№1: Дэбют

№1: Дэбют

Ці можна знайсці большага ПрайдзіСвета, чымся перакладчык, большага пройды і блудзягі, палусвета і авантурніка? Ён ходзіць-бадзяецца з торбаю па свеце, усё шукае нечага, імкнецца зразумець, а тады, як у родную мясціну завітае, то апавядае, што бачыў, што чуў.

Чытаць далей

Напішы сцэнар для беларускага фільма!

2 сакавіка 2011

Напішы сцэнар для беларускага фільма!
На кінастудыях свету назіраецца крызіс сцэнарнага матэрыялу. Якасны, арыгінальны, глыбокі кінасцэнар у беларускім і замежным кінематографе цяпер на вагу золата. Мэта конкурса - заахвоціць маладых творцаў працаваць у гэтай перспектыўнай галіне кінаіндустрыі, а таксама выяўленне новых імёнаў беларускай драматургіі і сцэнарнага мастацтва.

Умовы конкурса:

- прымаюцца сцэнары, напісаныя для поўнаметражнага мастацкага фільма.
- прыярытэт будуць мець працы на сучасную тэматыку.
- удзельніку конкурсу на момант 31 сакавіка 2011 г. павінна быць не больш за 35 гадоў.
- працоўныя мовы конкурса - беларуская, руская, англійская. Дапускаецца таксама, каб асобныя героі размаўлялі на іншых мовах, але ўсе тлумачэнні і пераважная большасць рэплік павінна быць на прыведзеных вышэй мовах.

Прызы конкурсу:

1-ы прыз. Заключэнне аўтарскай дамовы, з наступным здымкамі фільма паводле сцэнара лаўрэата.
2-прыз. Публікацыя сямі найлепшых сцэнароў у адмысловым зборніку, які выйдзе ў выдавецтве “Логвінаў” у 2012 г., а таксама ў нумарах літаратурнага часопіса “Дзеяслоў”.

Працэдура конкурса:

1-шы этап. Не пазней за 31 сакавіка 2011 году канкурсант падае заяўку на ўдзел у конкурсе на электронную пошту ubooku@gmail.com. У заяўцы, пазначанай “Конкурс кінасцэнароў”, канкурсант павінны напісаць сваё імя і прозвішча, а таксама кантактны тэлефон ці адрас электроннай пошты. Пасля гэтага канкурсант атрымае пацверджанне на сваю заяўку і будзе запрошаны на абавязковую папярэднюю майстар-класу, якая пройдзе ў Мінску, у кнігарні “логвінаЎ” (пр. Незалежнасці 37А). Вядоўца майстар-класы - кінасцэнарыст Аляксандр Качан.

2-і этап. На папярэдняй майстар-класе ўдзельнікам паведамяць пра электронны адрас, адрозны ад пададзенага вышэйֽ на які яны змогуць дасылаць свае кінасцэнары. Тэрмін на здачу працы на конкурс - мінімум 2 месяцы з моманту майстар-класа.

3-і этап. Праз месяц пасля сканчэння тэрміну падачы сцэнароў на конкурс адбудуцца 2-я майстар-класа Аляксандра Качана і ўрачыстая цырымонія ў кнігарні "ЛогвінаЎ", падчас якой кампетэнтнае журы абвесціць пераможцаў конкурсу.

Склад журы:

Андрэй Кудзіненка, рэжысёр кінастужак “Містэрыі. Акупацыя” і “Масакра”
Віктар Казько, пісьменнік, аўтар сцэнароў да фільмаў “Паводка” і “Судны дзень”.
Аляксандр Качан, кінасцэнарыст, аўтар сцэнароў да фільмаў “Містэрыі. Акупацыя”, “Розыгрыш” і “Масакра”.
Артур Клінаў, раманіст, аўтар кнігі “Кароткі дапаможнік па горадзе Сонца”.
Аляксандр Дзебалюк, кінапрад’юсар.
Ігар Логвінаў, выдавец.
паводле lit-bel.org

Чытайце таксама

Найлепшая перакладная проза за 2017 па версіі Андрэя Хадановіча

Перакладной прозы за мінулы год у нас выйшла столькі, што і літаратурныя крытыкі звярнулі ўвагу, і некаторыя арыгінальныя празаікі спалохаліся: а ці такія яны ўжо арыгінальныя, каб вытрымаць гэту канкурэнцыю.

Прэзентацыя зборніка вершаў Баляслава Лесьмяна

30 лістапада 2017 года а 19-ай гадзіне ў кнігарні “Сон Гогаля”(вул. Леніна, 15) у рамках цыкла “МЕСЯЦ ПОЛЬСКАЙ ЛІТАРАТУРЫ” адбудзецца прэзентацыя зборніка выбраных вершаў Баляслава Лесьмяна ў перакладзе…

Па-беларуску выйшаў знакаміты раман албанца Ісмаіла Кадарэ

Максім Мудроў пераклаў на беларускую мову раман Ісмаіла Кадарэ "Хроніка ў камені". Гэтая кніга лічыцца адным з самых вядомых твораў албанскага пісьменніка. А Кадарэ — зорка першай велічыні. Беларусы сталі…

Абвешчаны кароткі спіс прэміі Арсенневай

У шорт-ліст прэміі імя Наталлі Арсенневай 2018 увайшлі дзевяць паэтычных кніг

іншыя навіны
138