 |
|
 |
постмадэрнізм у 1-1999 . |
|
|
       |
|
вожык |
Юрась
Барысевіч
|
1) Стварыў бы новае шляхецкае саслоўе з усіх тых, хто сёньня размаўляе па–беларуску і мае трохі ўласнае зямлі — як мінімум, гаршчок для кветак. 2) Варта было б падумаць пра новы назоў краіны. Можна было б назваць яе Мeнская Русь, Крывія, Балтаславія, Паўднёвая Літва, Палесьсе, Забалоцьце, Бульбаляндыя... Зьмяніць назоў ня так ужо і складана. Але спачатку трэба зьмяніць нашыя прозьвішчы такім чынам, каб яны перагукаліся з новым назовам дзяржавы. Напрыклад, у выпадку Крывіі можна прапанаваць грамадзянам прозьвішчы Крывец, Крайсьлер, Крыйбожа, Крылоў, Крывела, Крывавы і г.д. Мяркую, агульны корань дапамог бы нам адчуць сябе адной сям’ёй, духоўна зьнітаваў бы людзей ня толькі з агульнай радзімай, але і паміж сабой. 3) У мэтах прымірэньня грамадзтва вынес бы на рэфэрэндум праект новай дзяржаўнай сымболікі: бел–чырвона–зялёны сьцяг, а таксама мадыфікаваны герб „Пагоня“ (замест рыцара — міліцыянэр з гумовай палкай на матацыкле). 4) Выдаў бы дэкрэт пра аб’яднаньне ўсіх палітычных партыяў у дзьве: Урадавую і Апазыцыйную (пры перамозе на выбарах Апазыцыйнай яны павінны памяняцца назовамі). 5) Калі прыйдзе час, абвясьціў бы выбары адразу ў два беларускія парлямэнты: Нацыянальны Сход і Вярхоўны Савет. 6) Прапанаваў бы рэфармаваць выбарчую сыстэму такім чынам, каб кожны чалавек меў права падаць за свайго кандыдата ад 1 да 4 галасоў, колькі хоча. 7) Прызначыў бы ўсё дарослае насельніцтва краіны сваімі віцэ–прэзыдэнтамі. Зьмяніў бы канстытуцыю такім чынам, каб усе грамадзяне па дасягненьні паўналецьця аўтаматычна прызначаліся б дэпутатамі, пасламі, міністрамі і г.д. Па ратацыі абвесьціў бы ўсенародныя выбары грамадзяніна, свабоднага ад усіх дзяржаўных пасадаў. 8) Галоўнай мэтай „беларускага шляху“ мы абярэм ператварэньне нашай дзяржавы ў сусьветны цэнтар харэаграфіі. 9) Аднавіць бы СССР у „адной асобна ўзятай“ рэспубліцы — у выглядзе фэдэратыўнай дзяржавы (падзелім Беларусь на 15 саюзных рэспублік, адпаведныя тым, што існавалі ў СССР. Магілеўская вобласьць будзе Таджыкістанам). 10) Зь іншага боку, някепска б стварыць у межах Беларусі Новую Эўропу з уласнымі Францыяй, Рымам, Радай Эўропы, швaйцарскімі банкамі і г.д. 11) Купіў бы ў Расеі Сiбір, а калі застануцца грошы — яшчэ і Каліфорнію ў ЗША. 12) Загадаў бы засеяць большасьць калгасных палёў лесам, каб пакласьці канец „бітвам за ўраджай“. Менавіта лес наша галоўнае багацьце: нашмат выгадней экспартаваць драўніну і набываць збожжа за мяжой. У лесе можна вырошчваць прафэсійных партызан на экспарт, грыбы, лекавыя зёлкі і медзьвядзёў. Пашырэньне ляснога ладу жыцьця дапаможа адрадзіць аўтэнтычную старажытную культуру. 13) Перайменаваў бы найвышэйшую Лысую гару ў пік Лукашэнкі — у гонар першага прэзыдэнта нашай краіны. 14) Заклаў бы пад усю паверхню Беларусі магутны магніт, каб прыцягваць з космасу мэтэарыты і папаўняць такім чынам дзяржаўныя запасы рэдкіх элемэнтаў. Натаўскія танкі ў выпадку вайны прыліпнуць да зямлі і ня змогуць прайсьці праз нашую тэрыторыю ў братнюю Расею. 15) Пабудаваў бы тысячу гор і цясьнінаў, каб патрыётам было дзе хавацца, а з Расеі не даходзілі арктычныя вятры. 16) Мне падабаецца
праграма Субтрапічнай партыі Расеі — для
пачатку яе можна было б ажыцьцявіць у нас: 17) Можна было б і перасунуць нашую зямлю бліжэй да тропікаў, каб птушкам ня трэба было кожную восень лётаць у вырай. А яшчэ лепш прыладзіць пад краіну колы і езьдзіць на ёй куды трэба ўсім разам.
|
|
|
|
|
|
 |
да ЗЬМЕСТУ да Пачатkу СТАРОНКІ