 |
1-1998 . |
 |
| слоўнік паняццяў |
|
На просьбу рэдакцыі я абраў для публікавання найменш спрэчныя творы з велічэзнае й, на жаль, нераўнацэннае творчае спадчыны паэткі Далілы Самасыс (літ. псеўданім; сапр. імя — Саламея Кварт; дарэчы, пад гэтым імем аўтарка вядомая каму-некаму як стваральніца вершаў на ідыш і эсперанта). Вышэйпададзеная назва цыклу сведчыць, што ад сціпласці (ува ўсіх сэнсах слова) паэтка не пакутавала. Так, ёй хапіла маніі велічы абвесціць сябе вынаходніцаю новага паэтычнага гатунку. Сама яна называла плён свайго вершавання анафарамі (што, як усеагульна вядома, азначае фанетычнае дапасаванне радкоў адзін да аднаго паводле іхнага пачатку); аднак назва «антырымы» падалася мне красамаўнейшаю й адпавяднейшаю творчай манеры наскае аўтаркі. Зласліўцы небеспадстаўна абвінавацяць спадарыню Самасыс у тым, што яна, хутчэй за ўсё, проста гартала слоўнікі (абазнаныя ў лексікаграфіі нат могуць сказаць, якія) дый выпісвала ўсё, што на даны момант пасавала. У адказ я магу адно запытацца: ці не карыстаюцца гэтыя літаратары хоць зрэдчас з адваротнага слоўніка, спрабуючы рымаваць? Па-мойму, шлях, які абрала для сябе спн. Самасыс, перспектыўнейшы, бо тлумачальныя слоўнікі нашмат багацейшыя лексічна й прыдатнейшыя ў працы. Да таго ж, і веданне беларускае мовы такім чынам удасканаліць лягчэй. Што да першае часткі назвы, то, пры ўсёй яе нецнатлівасці, гэта, прынамсі, далёка не найгоршае з шырокаўжывальных тут ангельскамоўных пажаданняў! Андрэй Хадановіч. |
|
.
|
 |
|
НАЗАД да ЗЬМЕСТУ да Пачатку Старонкі