Iрвін Уэлш
Праз калідор

    15/2 Колінвуд
    калі я замест мэблі — вось што мяне дастае. ён на мяне глядзіць, як на служанку; ніколі нічога ня кажа. я не зьбіраюся ўсё жыцьцё рабіць сакратаркай, проста гляджу на гэта як на прыступку да чагось цікавейшага. пайду ў коледж, здам іспыты на аддзяленьне маркетынгу; натуральна, калі можна будзе дамовіцца аб гнуткім графіку, што таксама праблема, калі ў цябе такі начальнік. тым больш што можа нат ня будзе магчымасьці зь ім пра гэта пагутарыць. ён такі сэксіст і заўсёды любіць паказаць што ён начальнік а ты дурніца, разумееце. ня тое што Вы, містэр Гілеспі… прабачце, Фрэнк, так. я цябе засмуціла, фрэнк? бачыш, ня тое каб я была такая ўжо фэміністка, я фэмінізм падтрымліваю, але я нязгодная з тымі хто кажа што толькі мужыкі могуць быць агрэсіўнымі ўладалюбцамі, напрыклад паглядзі што Тэтчэр рабіла на Фальклэндзкіх выспах, проста я не хачу каб ты думаў, што ў мяне нейкае лесьбійска–кастрацыйнае стаўленьне да мужыкоў, бо гэта зусім ня так. я ведаю як задаволіць мужыка, фрэнк, і магу сама ад мужыка атрымаць асалоду, таму чаму б табе не паказаць мне што ты маеш фрэнк, чаму б табе ня даць яго мне мой мілы, чаму не, фрэнк? б’юся аб заклад што ён у цябе вялікі, так! гэта заўсёды можна вызначыць па тым як мужык сябе трымае… так, ён вялікі, і яму добра ў маёй руцэ, ён так пульсуе, але яму будзе нават лепш ува мне… фрэнк… зараз фрэнк… ААА, ТАААК! Так цудоўна, фантастыка, ты праўда… давай яшчэ так… я ўжо не магу трываць… гэта так... ААА… ААА… ААА

    15/8 Гілеспі
    для мяне гэта важна. нягледзячы на мой досвед і мой стаж у фірме, яны аддалі гэтае месца яму. я шчыра скажу: тут ня толькі мая думка, большасьць маіх калег гэтак жа лічаць; ён проста не пацягне такую працу. я тут нат не з–за грошай хвалююся, проста такія пэрспэктыўныя варыянты ў наш час рэдка трапляюцца. Вы не падумайце, мяне гэта ня так ужо й засмучае. усіх грошай не забярэш. як табе плоцяць, так і рабі — вось мая філязофія; а ў гэтай фірме чортавай плоцяць па мінімуме, так што і атрымліваюць яны ад мяне па мінімуме. ну, табе я б даў больш, Стэфані, ты б атрымала ад мяне не па мінімуме, але ты надзвычайны выпадак. даруй калі табе здаецца што я грубасьці кажу стэфані, я чалавек ня грубы, але калі я заведзены я кажу ўсё што адчуваю. я хачу каб ты ведала што я маю пачуцьці і што я не зьбіраюся паводзіць сябе як дзікун, я перш за ўсё бачу ў жанчыне асобу. калі мяне нехта прываблівае, я проста так і кажу. я можа й ня вельмі выкладваюся на працы апошнім часам, але калі вядзецца пра адносіны, асабліва пра сэксуальныя, мяне пакуль што ніхто не папракаў. я ведаю што ты хочаш, стэфані. ты ж гэтага хочаш? мне здаецца ты вельмі хочаш гэтага. ну дык што? табе такога вось хопіць? я ж бачыў што ты гэтага жадала, з самага пачатку, ня менш за мяне, я ж усё гэта бачыў… божачкі, якая ў цябе пяшчотная скура, ты такая прыгожая… я хачу трахнуць цябе стэфані… давай зробім гэта дзетанька… ААА, гэта так цудоўна, ой, божачкі, як файна, ой, БЛЯ… я… ПІЗЬДЗЕЦ ЯК ФАЙНА. ААА… ААА… ААА… ААА