|
| |
Людка Сільнова
Чарадзейны Полацак
…І знайду навобмацак:
Валацуга Полацак.
Па лясох бадзяецца,
Дзіўных птушак слухае,
Воўчым адгукаецца
Плачам… ці зязюлькаю…
Горад-прывід, прыхадзень,
Як нябёсаў прыхамаць,
Падарунак волатаў…
А ці склеп каханаму:
Напалову з лотаці,
Напалову з каменю.
Дрыжыкі цымбальныя:
На Паўночным балі я…
На стале з напоямі -
Стравы крутабокія,
Паміж імі - Полацку
Пірагі высокія.
З мора вазьму мару я -
Перакулю чару я.
На абрус адбелены
Кроў мая абернецца -
Ў горад, вечна верны мне,
Ў Менск мой дух ня вернецца!
←вярнуцца ў Анталёгію
|
